Onte tivemos a xornada de portas abertas na nosa biblioteca! Demos a coñecer a colección, como está organizada, as actividades que se van desenvolver ao longo do curso, fixemos novas socias,….

e tomamos un café e repartimos agasallos para todas as personas que se achegaron a compartir un anaquiño de tarde con nos.

Gracias pola vosa asistencia familias!

Bo día rapazada!

Aí vai o reto de outubro; mini sagas terroríficas!!!

Eres quen de escribir un microrrelato de temática terrorífica , cunha protagonista feminina, en galego e cunha extensión máxima de 50 palabras??

Lembra que na exposición da entrada da biblioteca temos moitos libros de contos de medo que che poden servir de inspiración.  Agardámoste!!!

 

Boa tarde rapazada!

Volve o pasaporte lector á nosa biblioteca e con el novos retos mensuais!!!

Achégate á bilioteca nos recreos ou nas tardes do luns , mércores e xoves de 16 a 18 horas e pide o teu pasaporte.

 

 

 

 

 

 

 

En breve anunicaremos o primeiro reto.

Estades preparados/as???

Boa tarde rapazada!

Sabedes que estamos argallando para o vindeiro martes 1 de outubro? Non? Pois nada máis e nada menos que unha xornada de portas abertas onde as vosas familias poderán vir coñecer a nosa biblioteca!!

Ese día as familias descubrirán como o é o espazo da biblioteca, como ordeamos os libros, qué poden facer alí nas tardes do luns, mércores e xoves,…..e ademáis mentres as convidamos a facerse socias da nosa biblioteca tomaremos un cafeíño entre tantos libros como temos!!

Non o podedes perder!!! Agardámosvos!!!

 

 

Ola rapazada!

Xa estamos aquí de novo, coa biblioteca preparada para que nos veñas visitar.

Anímaste? Agardamos por ti!

Boas rapazada,

seguimos presentando traballos relacionados co proxecto da biblioteca deste curso. Nesta ocasión tócalle a quenda á aula de 5ºB coa súa presentación sobre a Amazonía.

Preme no enlace se queres saber máis sobre o pulmón do mundo.

proxectoAMAZONAS 5ºB

 

Moi boa tarde rapazada!

Hoxe pasamos por aquí para amosarvos o traballo realizado polo alumnado de  2º B sobre as secuoias.

Podedes velo con máis detalle ao pasar cara a biblioteca, pois está exposto ao lado da porta mesmo.

Aquí estamos de novo con outra das vosas creacións sobre a temática dos bosques!

Desta volta parámonos na clase de 1º A, que nos agasalla con este elaborado mural con información sobre as aves máis características da comarca do Barbanza.

Se queredes saber máis sobre elas, só tedes que escoitar o Programa 26 de Radio Lombiña. Nel, os rapaces e rapazas de 1º A expoñen as características máis salientables de cada unha de estas aves.

Tamén é posible acceder á emisión mediante os códigos QR que se atopan no mural.

Aquí tedes o enlace para non perder detalle.

Moi boas rapazada!

Nesta ocasión pasámonos por aqui para encomiar o traballo colaborativo que fixestes entre todos da man do equipo de Medio Ambiente, sobre as plantas invasoras da nosa contorna.

No corredor da planta baixa está colgado un mural onde se recollen os diferentes roteiros polos cales fostes na busca destas plantas, cantas variedades de plantas atopastes e en que punto exacto do roteiro se poden ver.

Bo traballo!

Boas  rapazada!

Os traballos non deixan de chegar e cada un é tan ou máis interesante que o anterior! Mirade se non que cousas bonitas fixeron na aula de 6º A investigando sobre a flora e fauna dos principais parques naturais de Galicia! Se queredes velos con detalle non tedes máis que achegarvos á entrada da biblioteca onde xa levan expostos dende hai varios días.

Esperámosvos!